Ilulissat | Marlunngorneq 11., Pingasunngorneq 12. og Sisamanngorneq 13. oktoberip 2022

Programmi

Marlunngorneq 11. oktoberip kl. 10.00 - 10.20

Officiel åbning af PolarExpo

Nicolaj Holm, CEO, Aalborg Kongres & Kultur Center
Palle Jeremiassen, Borgmester, Avannaata Kommunia
Nikkulaat Jeremiassen, Formand, KNAPK
Karl Tobiassen, Naalakkersuisoq, Fiskeri og Fangst


Marlunngorneq 11. oktoberip kl. 13.30 – 15.00

Qassutaarsiutit qanoq pinaveersaartinneqarsinnaappat?

Qassutaarsiutit imaani kiviinnarnikut – atortut annaasat atorunnaakkalluunniit – nunarpassuarni eqqumaffigineqarput. Tamatumunnga pissutaavoq uumasoqatigiiaanut aamma aalisakkanut aalajangersimasunut aalisarnermi atortut tamakku sunniutaasa annikillisarnissaat aalisarnermik aqutsinermik nakkutiginnittunit ukkatarineqarmat. Aalisarnermi atortut tamakku imaanut qimaannarneqarnerisigut aalisarneq ingerlaannartarpoq, aamma imartaniittut plastikkit amerliartuinnartarput. Canadami Baffinillu Kangerliumarngani ilisimalikkanik saqqummiisoqassaaq. Qassutaarsiutit Nunatsinni sinerissamut qanittumi imartamiittut ulorianartorsiortitsisinnaanerat aamma sammineqassaaq. Annaasanut atortunulluunniit kasiikkanut annikillisaataasinnaasut isumassarsiat aamma qaqinneqassapput.

Inatsisit atuuttut erseqqissarpaat qassutit atukkatik aalisartut qanoq nakkutigissaneraat. Taamaakkaluartoq immap naqqaniittut qassutaarsiutit annertussusaat kattuffinnit, politikerinit aalisartunillu namminermit ernumassutigineqarput. Aalisarneq pillugu Ilulissani saqqummersitsinermi apeqqut pineqartoq Oceans North Kalaallit Nunaanniit sammissavarput. Saqqummiisoqassaaq aaqqiissutit piviusorsiortut suusinnaanerannik imaqartumik. Aalisagaqassutsimut, uumasoqatigiiaanut avatangiisinullu qassutaarsiutit ajornartorsiutaajunnaarnissaat tassani qitiussaaq.

Qassutaarsiutit pillugit Oceans North Kalaallit Nunaata naapeqatigiissitsinissaanut peqataasussat naapinnissaat qilanaaraarput.


Sisamanngorneq 13. oktoberip kl. 10.30 – 12.00

Eqalussuit aalisarnerlu

Eqalussuit, grønlandshajer, sooq ernumassutigissavagut? Eqalussuit taakku aalisarnermut akornusersuutaasinnaasut, utoqqarujussuanngorsinnaapput, taakkulu uumasut nungutsaaliornissaat illersorneqarnissaallu nunarsuatsinni ukkatarineqaleriartuinnarpoq. Oceans North Kalaallit Nunaanniit ataatsimeeqatiserinnippugut, eqalussuaq pineqartoq pillugu paasissutissanik saqqummiusserusulluta. Peqatigiilluta oqaloqatigiissutigissavarput eqalussuit taakku pillugit ilisimasagut suunersut, ilisimatusarnikkullu paasisat kingulliit saqqummiunneqassapput, assersuutigalugu qanoq annertutigisumik nerisaqartarnersut, qanorlu sivisutigisumik uumasuusarnersut. Avitseqatigerusuppassi paasissutissanik eqalussuit taakku qanoq passunneqarsinnaanerannik, atortut, kiisalu teknologimi periarfissat nutaat eqalussuit aalisarnermilu atortut imminnut kalluartarnerisa annikillisarneqarnissaannik siunertallit pillugit. Uumasut uku qaasuttut utoqqarujussuanngorsinnaasut pillugit paasisaqarnerunissamut peqataagit, peqatiserivagullu aalisartut, Nunatta imartaani aalisarnerminni eqalussuarnik taakkuninnga naammattoorsisarnermi ilisimasaqarluartut.