PolarExpo pullugu
PolarExpo Fishing & Hunting (siornatigut PolarFish) qulaaluassaanik Kalaallit Nunaani 2024-mi ingerlanneqassaaq. Saqqummersitsinerit siullit arfineq marluk Sisimiuni ingerlanneqartarput. Covid-19 pissutaalluni taamaatitsinerit marlussuit kingorna, Kalaallit Nunaata avannarpasinnerusuanut nuunneqarpoq, 2022-milu Ilulissani siullermeerluni ingerlanneqarluni.
PolarExpo tassatuaavoq Kalaallit Nunaani aalisarneq piniarnerlu pillugit saqqummersitsivik, aaqqissuunneqartarlunilu Aalborg Kongres & Kultur Center-imit (AKKC) kalaallit aaqqissueqatigilluinnarlugit. Saqqummersitsisarneq Sisimiuniit avannarpasinnerusumut nuunneqarpoq unnuiffiusinnaasunik Ilulissat peqarnerummat, minnerunngitsumik Kalaallit Nunaata Avannaani aalisarnermit inuuniuteqartut amerlanerummata, tamatumami qulakkeermagu saqqummersitsinerup pulaartoqarluarneruneranik.
Saqqummersitsinerup ilaatigut erseqqissarpaa, AKKC-ip pitsaasumik aalisarnermut saqqummersitsinernut pitsaalluinnartumik aaqqissuusisuusarnera. Kalaallit Nunaani PolarExpo-p saniatigut AKKC-ip saqqummersitsineq DanFish aaqqissuuttarpaa, taannalu Europami saqqummersitsinerit pingaarutillit ilagivaat aalisarnermik inuutissarsiutillit atortussaannik saqqummersitsisarami. DanFish International Aalborgimi ukioq allortarlugu ingerlanneqartarpoq, nunarsuarmilu tamaneersunit saqqummersitsisunit pulaartunillu peqataaffigineqarluni.
AKKC-ip saqqummersitsinermi suleqatigiivi, Kalaallit Nunaani saqqummersitsinerup annerpaartaa suliarisapaat, soorlu saqqummersitsivissanik tuniniaaneq, ataqatigiissaarineq, nassiussanut angalanissanullu aaqqissuusinerit, tuniniaaneq, teknikkimik tuniniaaneq saqqummersitsinerullu ingerlanneqarnera. Atortussat tamarluinnaasa containeriunut poortoriarlugit saqqummersitsinissaq sioqqutigaatsiaarlugu Kalaallit Nunaanut nassiunneqartarput. Saqqummersitsinissallu ammarnissaa sapaatip akunnerata missaa sioqqullugu AKKC-ip sulisui pikkorilluinnartut sungiusisimasullu timersortafimmut saqqummersitsivissamut isertarput. Nunaqavissunillu ikiorteqarlutik saqqummersitsivissat nappartorneqartarput nerriviit, issiaviit atortussallu allat aaqqissuunneqartarlutik, taamaalillunik saqqummersitsisussap saqqummersitsivissaa iseriaannanngorlugu, aammalu saqqummersitsisussap nammineq nassataminik atortunik pulaartunut takutikkusutaminnik aaqqissuussivigeriaannanngorlugu.
Illersuisoq & siulittaasoqatigiit
Qaqukkulluunnit Kalaallit Nunaani aalisarnermut piniarnermullu Naalakkersuisutut issiasoq saqqummersitsinerit tamaasa saqqummersitsinermi illersuisutut inissittarsimavoq, taamaalilluni saqqummersitsineq kikkunit tamanit saqqummersitsisunit, kiisalu pulaartunit, kalaallit nunaani aalisarnermik piniarnermillu soqutigisalinnik katersuuffittut naqissusertarlugu.
Præsidiet udgøres af borgmester i Ilulissat og direktør for Aalborg Kongres & Kultur Center.
Illersuisoq
Kim Kielsen
Aalisarnermu Piniarnermullu
Naalakkersuisoq
Siulittaasoqatigiit
Palle Jerimiassen
Borgmester
Avannaata Kommunia
Nicolaj Holm
Direktør
Aalborg Kongres & Kultur Center
Aaqqissuisut
PolarExpo Fishing & Hunting piareersarneqartarpoq ingerlanneqartarlunilu Aalborg Kongres & Kultur Centerimit. PolarExpo piareersarneqartarpoq Avannaata Komunia, Aalisartut Piniartullu Kattuffii KNAPK aamma QAK peqatigalugit.
AKKC
PolarExpo fishing & Hunting ingerlanneqartarpoq Aalborg Kongres & Kultur Centerip saqqummersitsinermut immikkoortoqarfianit, taakkulu aamma nunap iluani, nunarsuarmilu allani atuisunut allanut assigusunut saqqummersitsinernik ingerlatsisarlutik
Avannaata Kommunia
Avannaata Kommunia10.820-it missaani innuttaqarpoq (2021) taakkulu illoqarfinni nunaqarfinnilu siammasissuni kommunip iluani najugaqarput. Kommuuni sisamanik illoqarfeqarpoq, (Ilulissat, Uummannaq, Upernavik Qaanaarlu) kiisalu 21-nik nunaqarfinnik inoqarfeqarluni.
KNAPK
KNAPK tassaavoq aalisartut piniartullu kattuffiat. KNAPK sinerissami 70-nik immikkoortoqarfeqarpoq. KNAPK har 70 lokalafdelinger på hele kysten.
Tapersersuisut
Tapersersuisutsinnit tapiissutit saqqummersitsiviup piviusunngornissaanut aalajagiisuulluinnarput. Taamaalilluta periarfissinneqarpugut saqqummersitsivimmik pilersitsinissatsinnik, suliffeqarfiit assigiinngitsut nioqqutiminnik takutitsivigisinnaasaannik, suliffeqarfinnik allanik aamma pulaartunik soqutiginnittunik attaveqaqatigiiffiulerfigisinnaasaanik
Blue Water namminerisamik Nuummi, Qaqortormi Sisimiuni, Aasianni Ilulissanilu allaffeqarpoq, kiisalu tuniniaasunik attaveqaqatigiinnik nukittuunik peqarluni. Taamaalilluni Atlantikup Avannaa tamakkerlugu periarfiulersillugu. Annerusumik uvani atuarit.
GrønlandsBANKEN 1967-mi pilersinneqarpoq. Ullumilu Kalaallit Nunaani illoqarfinni annerusuni imikkoortoqarluni. Annerusumik uvani atuarit.
Pisiortorfiit
Takutitsisut pulaartullu annerpaamik pissarsinissaat siunertaralugu, suliffeqarfinnik assigiinngitsunik isumaqatigiissuteqarpugut, taakku tamarmik immikut peqataanermikkut pitsaanerpaamik misigisaqarnissaq siunertaralugu.
